Dr Schorsch vrzählt vom 16. September 2017

Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.

Dr Schorsch hât an Freind wo a Kloikunschtbühne betreibt. Der hât wiedr vom Freind a fascht 1,5 Meter hohe Bierflasch gschenkt kriegt, di’r vor seim Haus uffgschtellt hat ond di sich bei Wend dreht. Ganz witzig ond fascht schon kunschtvoll hât’r di Bierflasch beschriftet ond a bissle Werbung für die schwäbisch Kultur drmit gmacht. Ganze zwoi Tag isch des Kunstwerkle gschtanda, nâ hat’s oiner en dr Nacht klaut. Haderlomp, Dagdiab, Saukrippel, Sauriebleskopf waren noch di feinschte Bezeichnonga, wo mr dânach höra könna hât.

A guate Woch’ ond em Herrgott sein Sega