Dr Schorsch vrzählt vom 29. Juli 2017

Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.

Es isch a Elend, mr kennt treppla vor Zorn. Oerwartet, von jetzt uff nâchher muss dr Schorsch an elendiglicha Vrluscht beklage. Em Schorsch seim Lieblings-Mittagspausa-Café gibt’s koine Quarktasche meh. Erscht am Donnerschtich hât’r sich zo seim Kaffee drzua voll Vorfreid so a wondrbars Plundrstückle bschtellt, ond dia Antwort kriagt: „Haben wir leider nicht mehr.“ Ja wia, heut’ ausganga? „Nein, der Chef hat die Quarktasche aus dem Programm genommen.“ Oh Elend, mr kâ doch net jeda Tag a Schwarzwäldr-Schnitt verputza.

A guate Woch’ ond em Herrgott sein Sega