Des isch a Deng. Jetzt isch doch dr Bönnigheimr Veroi „Hischtorische Gsellschaft“ genau heut’ vor 40 Jâhr im Rössle gründet worda. Ond seither isch dr Scherba-Kurtle dr Vorsitzende. Vier Jahrzehnt! Naja, saget mr amol so, für an Gschichtsveroi send natürlich 40 Jâhr koi große Sach’. Dia denket en ganz andre, ohoimlich lange Dimensiona, was jâ bei dera Hischtorie von Bönnigheim ganz selbstverschtändlich ist. Vielleicht henn se deshalb des Jubiläum au net an dia groß’ Glock ghängt. Dr Schorsch duat abr uff jeden Fall an dera Schtell’ ganz gern gratuliera.

Also, net bloß dr Hischtorischa Gsellschaft, a guate Zeit ond em Herrgott sein Sega