Am Schorsch isch langweilig. Er hockt drhoim ond scho jetzt isch gnuag mit ausruha. Ond plötzlich fällt oim ei, was mr eigentlich schon lang hät doa solla. Zugeba, s’isch net grad s’schönschte Gschäft am Waschbecka a neue Syphon einzombau, weil dr alte schon seit Monat drialt. Es isch au net bsonders erbaulich uff am Carport rom zom turna, weil vor a paar Wocha di „Sabine“ d’Dachbappa rontergrissa hât ond seither s’Autole bei Rega soichnass wird. Als nächstes steht jetzt dr Schreibtisch â, auf dem sich Diverses au schon seit längerer Zeit hochtürmt. Des send älles net grad dia Lieblingsbeschäftigonga vom Schorsch, abr jetzt hat mr halt Zeit drfür. Ond so hât doch tatsächlich di Drhoim-Hockerei au ebbes guats.

 guate Woch’. bleibat gsond ond em Herrgott sein Sega.