Vrfallet mr oifach mâl wiedr en Panik. Mir Deutsche send scho an komisch’s Völkle. Wenn irgendwo uff dr Welt ebbes passiert, nâ bricht bei ons dr nackige Übrlebenkampf aus. Erinnera mr ons an Vogl- odr Schweingrippe, an dr Rendwahnsinn, odr au an’s Waldstreba. Emmer send mr en dia blanke Vrzweiflong ausbrocha, hend praktisch mit der menschlicha Zukonft ond mit em oigana Leba abgschlossa. Was isch seither passiert? Eigentlich nex schlemm’s. S’gibt ons emmer no, ond s’gâht ons komischr Weis’ bessr wia je zuvor.

Jetzt vrfallet mr ebba grad en di Corona-Virus-Hysterie, was tatsächlich net drzua führa wird, dass wir Deutsche ons em kollektive Siachtum von dera Welt vrabschieda werdet.

 guate Woch’ ond em Herrgott sein Sega.