Nr. 245 Dr Schorsch vrzählt vom 8. August 2020

Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.

Jetzt send se mit äller Macht dâ, die ohvrschähmt hoiße „Hondtâg“. Dr Fixstern Sirius em Sternbild „Großr Hond“ hât dera Hitzeperiod’ vom 23. Juli bis 23. August dr Nâme geba. In dera Zeit isch der Fixstern au tagsübr zom seha, während’r s’ganze Jâhr übr ohsichtbar isch, obwohl dr rond achtahalb Lichtjâhr entfernte Sirius dr hellste Hemmelkörpr em „Großr Hond“ isch. Es isch jâ a glückliche Fügong, dass am gestriga Freitag uff dr ganza Welt dr internationale Biertâg gfeiert worda isch.

A guate Woch’ ond em Herrgott sein Sega.