Nr. 249 Dr Schorsch vrzählt vom 10. Oktober 2020

Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.

Dick ond woich muss dr Hefetoig sei, mit ra richtig hoha Füllong, odr doch liabr an dünna knuschprigr Toig mit ra maximal zwoi Fengr dicka Schicht. Abr uff jeden Fall mit ma Haufa Sahne ond mit Speck ond a paar fei gschnittene Röhrla. Di Red’ isch natürlich vom Zwieblkuacha, der jetzt em Herbst sei Hochzeit hât. Weil s’Herbsta im Wengert noch net rom isch, kriagt mr fast überall au no dr neue Wei drzua. Was für a Feschtmahl für ons schwäbische Leckrmäuler. Wenn dr neue Wei au no zwoi, drei Tag en dr warme Küche stâht, ond so leicht âgora isch, nâ wird dr Genuss komplett.

A guate Woch’ ond em Herrgott sein Sega.