Es isch jetzt scho meh’ wia 40 Jâhr her, dâ isch dr Schorsch a ebaso begeistertr, wia gering begabtr Lagrfeuer-Klampfer gwä. „Knocking on Heavens Door“, „Sailing“ oder „Joshua fit the Battle of Jericho“ send dia Gassahaur gwä, di mr mitandre plärrt hât. Des Beste isch gwä, mr hât tatsächlich bloss drei Akkord braucht, om als Klampfer zom Lagrfeuer-Star zom werda. Des war nex Ogwöhnlichs, schließlich hend Rock-Heroen wia Eric Clapton, The Beatles oder The Rolling Stones mit drei Akkord sogar Hits gschrieba. Jetzt em aluminium-blonda Alter hât doch dr Schorsch tatsächlich von seiner Ehefrau und seine Kendr zom Geburtstag a Ukulele geschenkt kriagt – und drei Akkord kâ’r scho.

 guate Woch’ ond em Herrgott sein Sega.