Im Rahmen der Frederick-Tage haben sich Dorothee Weiß,  Angelika Werner und Gülderen Erdun für die Walheimer Kindergarten-Kinder etwas Besonderes überlegt: Es wurde das Märchen “Tischlein-Deck-Dich” vorgelesen. Selbstverständlich war das Cafe-Bricklebrit sofort bereit, seine märchenhaften Räume für diese Lesung zur Verfügung  und die Technik bereit zu stellen. So konnten die Kinder nicht nur das spannende Märchen hören, sondern auch die wunderbaren Zeichnung auf der drei Meter großen Leinwand auf der Bühne onderm Balken betrachten. Noch zwei Mal kommen weitere Kindergruppen zu den Fredericktagen ins Cafe-Bricklebrit.

SONY DSC

SONY DSC

SONY DSC

Unsere nächste Veranstaltung am Samstag, 18. November, 20 Uhr (mehr Infos/Karten? Hier klicken):

S’letzschte Schlachtfescht isch jetzt Gott sei Dank gschlaga. Em Blühenda Barock ond en Tripsdrill send jetzt älle Kürbis ondr Leut’ brâcht – ond werdet wohl bald uff de Komposchthaufe vollends vrganga. So kâ jetzt endlich di Zeit der süßen Vrlockunga ond dr Völlerei komma. Scho seit Wocha gibt’s end de Läde Dominoschtoi, Lebkuache, Schoklad-Nikläus ond Wal-, Para- ond andre Nüss. Ond heut’ isch natürlich au Martini, der Tag an dem die Gäns net schnell gnuag uff Böm nuff kommet, om dann doch em Kochhaffe zom lande ond mit Blaukraut ond Knödel a fröhlich’s Fescht – wenigschten für die Genießr – zum feira.

A guate Woch’ ond em Herrgott sein Sega

Zugegeben etwas früh, dafür um so schöner: Seit Samstag zeigen wir im Cafe-Bricklebrit zwei prächtigte, selbst gemachte Weihnachtskrippen, die uns Rolf Schweiher aus Bönnigheim zur Verfügung stellt. Mit diesen beiden Exponaten stimmen wir unsere Besucher auch auf unseren 1. märchenhaften Kunsthandwerkermarkt am 25. und 26. November ein. Mit dem feiern wir auch den 1. Geburtstag des Schwäbischen Lieder- und Geschichtenhaueses in der Alten Kelter in Walheim.

20171122_191738

20171122_191702

20171122_191505

20171122_191417

20171122_191345

20171122_191309

Krippe_Schweiher2

Krippe_Schweiher1

Krippe_Schweiher3

Heut’ gâht’s jâ uff älle Seite om dia Kinder- und Jugendliteraturtage, ond deshalb hât dr Schorsch übrlegt, was denn sei erscht’s Buach gwä isch, wo’r glesa hât. Drbei send doch a paar Sächle zom Vorschei komma, dia’r so net uff’m Schirm ghet hât. Am Schorsch sei Lieblengsbuach isch nämlich der „Gepäckschein 666“ aus em Jâhr 1953 gwä. Gschrieba hât den 400 Seite dicka Schmökr dr 1916 en Stuttgart geborene Alfred Weidenmann. Obwohl sei Geschäft en dr ohsäglicha Zeit dr deutscha Gschichte net grad beispielgebend gwä isch, seine Jugenbüchr, di’r en dr Nâchkriegszeit gschrieba hât, henn doch viele Preise kriagt. Sei „Gepäckschein 666“ isch au no heut’ lesbar, weil’r spannend isch ond weil mr beim Nachdenke über dia Zahl 666 oder 999 emmer no ganz wuschig wird. Des scheene isch, au heut’ no gibt’s des Buach en de Buachhandlonga, ond beim gröschte em Internet stâht’s emmerhin uff em Platz 202 140.

A guate Woch’ ond em Herrgott sein Sega

Es isch a dera Stell‘ scho mehrmals nötig gwä, di Tatsach‘ klar zom stella: Mir onder scheidet blos zwischa dem Königreich Württemberg ond dem Großherzogtum Baden. Schließlich hât dr Historiker, meistgelesene Mundartautor und bekennendr Degerlocher Dr. Gerhard Raff eindeutig postuliert, Schwâbe ond Allemanne, des isch dr gleiche Volksstamm. So därf sich dr Schorsch au so richtig von enna freua, dass dr zwoite Mann em Staat herzerfrischend em ma durchaus bekannte Dialekt schwätzt. Dr Dr. Wolfgang Schäuble isch en dr Nähe von Freiburg uffgwachse ond lebt en dr baden-württembergischa Große Kreisstadt Offenburg. Er isch a recht erfahrener Parlementarier, Käpsele ond Gscheidle, ond dr Schorsch freut sich jetzt scho druff, wenn‘r dene K(r)ackeelr em neua Bondestag elegant, knitz, souverän ond en dr Mundart eihängt, denen Levita liest ond uff Spur brengt.

A guate (kurze) Woch‘ ond em Herrgott sein Sega.

Die Finalrunde des Lesewettbewerbs der Walheimer Bücherei für die Dritt- und Viertklässler der Walheimer Grundschule am Baumbach fand am Freitag, 27. Oktober, im Cafe-Bricklebrit statt. Wir haben gerne unsere Kleinkunstbühne für dieses besondere Veranstaltung zur Verfügung gestellt.

Weiter geht’s mit einer besonderen Veranstaltung am Samstag, 28. Oktober, 20 Uhr, auf der “Bühne onderm Balka”:

Oh moderne Zeita! Emmr meh‘ ganget dia gschriebene Sätz‘ dr Bach na. Mir lebet en moderne Zeite mit Smartphone ond Tablet. Ond hât mr no bis vor Kurzem seine Frâge odr Nâchrichte in dia Apperätla neitippt, so macht mr des jetzt so, dass mr neischwätzt. Egal ob mr nâch r‘Route sucht, ebbes wissa will odr sich elektrisch mit ma Freind onderhalte will. Google, Whatsapp, Facebook, Siri odr Alexa, mir schreibt nemme, mr schwätzt. Doch jetzt kommt‘s. Dia elektrische Kästla vrstandet bloss dia Schriftsprâch. Mit onserer wonderbare Mundart, dâ dehn sia sich durchaus schwer. Doch mir Schwabe send ja bekannt für onsere Käpsela. Also hier jetzt dr Uffruf an älle Programmierer mit schwäbische Wurzla: Brengat doch dene Apparätle endlich Schwäbisch bei.

A gute Woch’ ond em Herrgott sein Sega.

Schwäbische Mundart-Künstler, mit einem Programm, dass die vielen Zuhörer im Cafe-Bricklebrit mit der Zunge schnalzen ließen – das boten Reinhold Hittinger (auch ein begnadeter Gitarrist) und Helmut Eberhard Pfitzer am Samstagabend auf der Bühne onderm Balka.  Auch die Kreispresse war begeistert:

Und hier ein kleines Versucherle:

Fraua send bekanntlich für ons Männr die gröschte Mysteria. Ond dia viele Frâge, dia sich om den „schöne Geschlecht“ rankat, henn sich in de letzschte Tâg nomâl vrvielfacht, wia dr Schorsch an scheene Mittag em ma Straßacafé vrweilt hât. Älle Fraua, egal ob zwölfjährigr Teenager oder 85 Jâhr alte Oma, henn ois gemeinsam: Älle henn a Handtasch’ drbei: Große, fascht wie Eikaufstasche, kloine, en dia fascht nex neibasst, en älle Farbe, mit Stickereia, Pailetta odr Fransa, mit oim, zwoi oder gar koim Henkl, mit Trageriehma, welche aus Leder, Plastik odr Stoff. Bloss worom Fraua Handtasche brauchet, sobald aus kloine Mädle jonga Dengr werdet, des koi oim niemand erklära.

Mir Männr brauchet koine Handtasche – höchstens amol a Plastikguck, wenn mr em Baumarkt gwesa send. Au dia ohseelige Zeita mit denen kloine „Buko“-Täschla am Handglenk am End’ der 1970er-Jâhr henn sich Gott sei Dank au net durchsetza könna.

A gute Woch’ ond em Herrgott sein Sega