Abandrsee hât sich dr Schorsch denkt, ond hât sich ens Auto ghockt. Bloss wo nâ? So ganz oifach isch des jâ bei ons net. Also hât‘r sich dr Große Brombachsee em fränkischa Nâchbrbondesland ausguckt. Arg schee isch‘s dort, ond zemlich ruhig. Sogar zemlich arg ruhig. So ruhig, dass mr net amol en Internet-Empfang hât. Heidenei, erscht am nächschte Morga hât‘r nâ mitkriagt, was älles Omegliche wiedr an oim Tag en dr Welt passiert isch. Am See hât des abr Sau intressiert. Mr sott viel öftr Abandrsee.

A gute Woch‘ ond em Herrgott sein Sega