Dr Schorsch vrzählt vom 20. Januar 2018

Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.

Jetzt wird’s langsam Zeit, weil diesselbe rennt. Mr muss bloss uff dr Kalendr glotza, ond merkt, en dreiahalb Wocha isch d’Fasnet scho wiedr rom. Dr Schorsch isch au wiedr bereit. Noi, er hât koi Fasnetshäs ond er ziagt au net sei blau-weiß kringelt’s Matrosahemadle â. Obwohl des jâ scho emmer di Maixmalkoschtimierong em protestanischa Toil von Württemberg gwä isch. Dr Schorsch gâht wiedr, em Râhma vom Kulturaustausch zwischen Schwâbe ond Mittelrhein, uff dr Karneval am Rhein. Scho em dritte Jâhr isch’r dort als schwäbischr Landbot’ en dr Bütt. S’freut en scho saumäßig, weil’r nâ wiedr so richtig übr d’Streng schlage kâ. Net bloss en seinr „schwäbischa“ Büttared’, vielleicht au mit de prächtige Riesleng, dia’s dort gibt.

A guate Woch’ ond em Herrgott sein Sega