Onsr schwäbische Mundart isch ebbes ganz Bsonders ond mr muas bsonders sorgfältig mit ihr omganga. Grad wenn mr em Dialekt schreiba will. Abr scheint’s lebet mir en moderne Zeita, dia drvo prägt sent, dass mr elles, aber au wirklich elles mit de Computr macha will. Anders isch des net zom erklärte, was so Programmierheinis jetzt em Internet âbiatet: Di automatische Übersetzung von ganze Internetseita ens Schwäbische. Natürlich hât dr Schorsch sofort an Teschtlauf gmacht, ond hât sich des Grimmsche Märchen Rapunzel von dem elektronischa Schmalhirn übrsetza lasse. Ond des Ergebnis? Wia erwartet isch der ens „Schwäbische“ übrsetzte Text oifach grauslich.

A guate Woch’ ond em Herrgott sein Sega