Dr Schorsch vrzählt vom 4. Februar 2017

Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.

Bei de Ami gibt’s jetzt „alternative Fakten“. Was isch denn des für an Krampf? Für dr Schorsch send isch des oifach an granada Hennadreck, von a paar Lugabeutl, wo sich jetzt em Weißa Haus broit machet. „Alternative Fakten“ des wäre ogfähr so, wia wenn mir Schwâba an Teller Salzkrombiera r’Schüssel selber gschabte Spätzla vorzieha dätet, odr behaupta dätet, onsere Maultascha sind bloß a Abwandlung von Ravioli ond kommet ursprünglich aus Italia, odr saga dätet für Lensa mit Spätzle kâ mr statt Soita au a Tofuwurst essa.

A guate Woch’ ond em Herrgott sein Sega