Mit am Sportglotza isch‘s zur Zeit für ons net ganz oifach. Mit dene Kicker war‘s jâ bekanntlich gar nix. Ond so a Endspiel ohne Schwarz-Rot-Gold? Dâ fehlet oim dia Emotiona. Oifach bloß zuglotza des macht koin richtiga Spaß. Au bei dr französischa Apotheka-Rondfahrt send onsere Radler bloß gelegentlich mit vorna drbei. Deshalb send mr heut‘ ganz vrückte Tennisâhängr, schließlich stâht onser Mädle em Endspiel von Wimbledon. Ond dâ müsset mr ganz arg älle onsere Dauma drucka, damit onser Mädle gega dia amerikânische Wuchtbrumme endlich die Nachfolge von onsrer Steffi schafft.

 guate Woch‘ ond em Herrgott sein Sega