Bekanntlich isch dr Schorsch jâ em alluminium-blonda Altr âkomma, ond ghört jetzt scheint’s auch zur bsonders Coronavirus gefährdeta Generation. Ond deshalb muss ihm au di Überlegong erlaubt sei. Die scheint’s zehmlich übrforderte Kanzlere hât doch jetzt tätsächlich gsagt, mir sollet onsere soziale Kontakte einstella, om onsere Alte – also au dr Schorsch – zom schütza. Heidanei, des isch âmol a Deng. Jetzt hauat doch tatsächlich onsre politisch Vrantwortliche onsere Grondpfeiler onsere Gesellschaft zamma.

Dr extremgfärdete Schorsch will net seine soziale Kontakte uffgeba. Er will net alloi drhoim hocka ond warte bis ihn vielleicht trotzdem dr Coronavirus vrwischt. Er will sich weiter om sei weitvrstreute Familie kümmra.

A guate (wenigr uffgregte) Woch’ ond em Herrgott sein Sega.