Saukalt isch’s jetzt âmol wiedr em April. Eigentlich treibt’s oin naus, om die blühende Natur zom Genießa. Abr weil mr sich scho uff wärmende Temperatura eigstellt hât, holt mr sich bei dem kalte Wend schnell â Rotznas’. Bleiba mr halt en dr warma Stub ond holat onsere schwarze Vinylschaltplatte aus’m Schrank. Worom? Weil heut isch dr „Record Store Day“. Weltweit beteiliga sich übr 2000 ohabhängige Platteläde emmer am dritte April-Samstag seit 2008 dra. En Deutschland, Österreich on dr Schweiz send’s 180 Fächhändlr, dia sich di Beratong bsonders bei Vinylplatte uff d’Fahne gschrieba henn. Om drTrend zom Vinyl zom Stärka ond dia ohabhängige Läde vorm Aussterba zu bewahre, werdet nämlich jed’s Jâhr exklusive Platta veröffentlicht, dia meist streng limitiert send. Blöd bloss, dass mr zurzeit gar koine Platte en de Läda kaufa kâ. Jetzt wartet mr halt uff dr Dienstag, weil dâ isch nämlich dr internationale Kiffer-Tag.

 guate Woch’ ond em Herrgott sein Sega.