Mr wär gern Mäusle bei denen Sonderierungsgspräch’ en Berlin. Eigentlich send des koine Gspräch, sondern voreheliche Händel. Weil nex anders isch des jâ: Die oi Braut dät gern, dr Brudr von dr Braut, der traut dene boide Bräutigam net übr dr Weg ond dr oi Bräutigam gönnt dem andre net des Gsälz uffs Brot. Ond bei dene Händel glotzt nâ no die ganz künftig Vrwandtschaft zua, ond gibt natürlich au no ihrn Senf drzau. Also a Liebesheirat kâ des net werda. Abr auch bei ons haltet die Ehen am längschte, bei dene es oms Sach’ gâht.

A guate Woch’ ond em Herrgott sein Sega