Jessesnoi isch des a Kälte. Dâhanne am Rand vom Schtromberg send mr allerdengs au bissle empfendlich. Uff der Alb, dâ henn se a ganz andre Einschtellung zu den Temperatura, weil wia mr lesa kâ, schlaget se dort bei minus zehn Grad a Loch ens Eis ond ganget schwimma. Bei minus 18 Grad tauschet se d’Sandale gega Halbschuha ond erst bei minus 24 Grad drehet se Heizong uff. Dr oberste Hemdaknopf wird bei d’Älbler erscht bei minus 29 Grad zuaknöpft ond bei minus 38 Grad schließet se s’Klofenschter, bevor nâ bei minus 40 Grad dr Pullover âzoga wird. Wenn bei minus 115 Grad dr Alkohol gfriert, na send die Älber sauer ond beim absoluta Nullpunkt von minus 273 Grad saget se uff Alb: „S’isch scho a bissle frisch“.

A guate Woch’ ond em Herrgott sein Sega