Des woiß jâ jedr, morga isch Wahlsonntagtag. Mr muas sich also mâl wiedr entscheida. Oje, des fällt schwer. Was soll mr also kocha. Entwedr mr wählt an bodaschtändiga Hackbrate, eventuell dät au an Saurbrâte ganga, vegetarisch isch uff jeden Fall koi Alternativ’, chinesisch, womöglich mit Curry, des gâht am Sonntag net. Über dia restschliche Möglichkeiten, dâdrübr will dr Schorsch gar net nâchdenka. Ois isch klar, gar nex kocha, des gâht natürlich net. Irgendebbes Gscheits, wird dr Schorsch scho (aus)wähla.

A guate Woch’ ond em Herrgott sein Sega