Dr Schorsch vrzählt vom 7. Oktober 2017

Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.

Jetzt henn onsere Wengerter doch no a richtigs Glück ghet. Dr Jâhrgang 2017 isch fascht glesa ond en de Fässer, ond was soll mr sage? Dia schlemmste Befürchtonga nâch dera Saukälte em April send net eitreta. S’gibt also wiedr an feine Tropfa, Menge ond Qualität datet schtemma, saget dia, wo’s wissa misset. Worom fällt am Schorsch jetzt dia Schtammtischgschicht ei, von dem Jâhr, en dem’s fascht koine Traube geba hât, ond die Wengerter dâdrübr ohsennig gjommert hen. Ond au em Folgejâhr, in dem’s irrsennig viel Traube geba hât, hen se pfutzget. Worom? „Ha, der viele Wei, der schlaucht scho saumäßig d’Fässer!“

A guate Woch’ ond em Herrgott sein Sega.