I glaub’ mir send ons jâ seit langem einig, di Welt isch aus de Fuga. Drbei gâht’s dessmâl net om di groß’ Weltpolitik. Noi, au bei ons

Was für a Genuss. Saitenwürtschla mit Kartofflsalaten Deutschland wisset manche nemme, was recht isch ond wia se für ons no weitr des selbschtbeschtimmte Entscheide abnehma wellet. S’gibt also en Kassel am 23. April wiedr amâl a Fescht zom „Tag der Erde“. Ond was machet dia Vrânstalter? Dia ladet alle langjährige Ständlesbetreibr aus, di eigentlich uff em Grill Brâtwurscht ond andere fleischliche Genüsse kredenza wella henn. Weil des sei net nâchhaltig, so di Begründong ond deshalb will mr „ausschließlich vegetarische und vegane Speisen“ âbiate, hoißt’s em ma Brief von dene Grasdackl. Mr könnt’ jetzt dr Professor Mike Archer von dr University of New South Wales (UNSW) en Australien zitiera, dr Kerle sagt nämlich: Pro Kilogramm nutzbare Proteine aus Getreide werdet „unter Umständen 25 mal mehr fühlende Wesen getötet als durch nachhaltige Fleischproduktion“.

Abr es gâht jetzt gar net om Rechthaberei,  es gâht dâdrom, mr will oifach als denkendr Mensch selbr entscheida ond braucht nermand, wo für oin s’Denke abnemmt. Ond deshalb ganget mr heut’ Âbend oifach en di Kleinkunschtbühn’ en Walheim, weil dâ vrzählt dr schwäbische Mundartautor Wilfried Albeck vom „Saitenwurscht-Aquator“ – ond dr drzua werdet mr a Pärle Saitenwürscht mit Kartoffelsalat essa. Ond nâch Kassel zieht’s ons sowieso net.