Nr. 183: Dr Schorsch vrzählt vom 17. November

Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.

Bald gâht’s wiedr uffwärts. Obwohl ons s’Wettr grad ebbes anders vorgaukelt, müsset mir jetzt no dr Volkstrauertag ond dr Totasonntich übrstanda, na dürfet mir ons wiedr freua ond en dr Adventszeit fröhlich sei. Naja, a bissle innehalte hât no koim gschadet, abr weil mir Schwâba ja grondsätzlich eher zur Schwermütigkeit neiget, send mir au grad jetzt en dera Jâhreszeit für dr neudeutsche „November-Blues“ bsonders empfenglich. Vielleicht sottet mir ons mit ma vorzogana Gläsle Glühwei, mit ma süßa Ofaschlupfer odr Pfitzuff jetzt ebes guat’s do.

A guate Woch’ ond em Herrgott sein Sega