Mr kennt’n jâ als oin, wo mâl so an richtiga Bolza naushaut. Di Red’ isch vom Mark Zuckerberg, der Kerle, wo des ons älle umschlingende Facebook (FB) betreibt. Ond genau der, wo mit dem Dataschutz so zemlich lässig omgange isch ond mit dem Sammla von älle Infos übr ons so richtig viel Geld vrdient, hât jetzt gsagt, FB soll dr Vorreitr für Dataschutz ond Privatsphäre werda. Der Spruch isch guat. Sei neu’s Mantra, des älle bei FB ständig wiederhola müsset: „Die Zukunft isch privat.“ Wia vrrückt isch des denn? Des isch etwa so, wenn Porsche saget dät, mi bauet bloss no Sportwage, wo höchsten 40 Stondekilometer fahret.

A guate Woch’ ond em Herrgott sein Sega.