En was für a ohbekannte Welt hât dr Schorsch in dera Woch‘ neispickla dürfa: Des Leba von ra Baurafamilie, welche komplett ihrn Tagesablauf nâch de Bedürfnis von ihre Milchküah‘ ausrichtet. Jeden Tag, au am Feiertrag ond am Sonntich.

Für jemand, wia dr Schorsch, sieht des erstmals aus, wia a Plficht, di dia Baura klaglos uff sich nehmat. Doch wenn mr âmol mit dene Baurasleut‘ schwätzt, nâ spürt mr, des isch koi Pflicht, des isch a Lebensplâ, der ohnsennig befriedigend isch, ond dene Leut‘ a große Gelassaheit ond au a zehmlich‘s Glick gibt. Dr Schorsch hât derweil als a bissle degenerierter H-Milch-Trinker den Genuss von ra frische Bioland-Kuahmilch entdeckt. Des wird nâ für ihn scho a bissle schwierig, wenn‘r vom Allgäu zrück ins Ländle gefahra isch.

A guate Woch‘ ond em Herrgott sein Sega.