S’gibt dia bsondere Moment, dia, wenn mr se vrgisst, ohwidrbrenglich dahin send. Dr Schorsch leidet a weng, weil’r geschtern Âbend kurz nâch dr Tagesschau di für den Tag bedeutende Uhrzeit 20 Uhr, 20 Minuta, 20 Sekonda em Jâhr 2020 – also 20.20:20 2020 – net bewusst genossa hât. Ach je. Bloss, mr muss au des Positive erkenna: Weil Diesjâhr a Schaltjahr isch hât’r no 348 Mâl di Chance, an dem Moment teilhaftig zu werda ond inne zom halta.

Wia wichtig dia Moment’ send, zeigt sich en dr Notwendigkeit, dass mr Schaltjâhr braucht. A normals Jâhr isch genau 0,24219 Tag längr wia dia überliche 365 Tag, also a bissle mehr wia an Viertel Tag. Wenn mr abr genau rechnet, nâ isch inklusiv dr Schaltjâhrrechnung dia Differenz pro Jâhr bloss no 26,739 Sekunda, ond des kennt mr laut Kalendrwissaschaftler sogar für dia nächste Jâhrtausend ondr dr Tisch falla lassa. Also tatsächlich doch bloss an Moment am Tag.

A guate Woch’ ond em Herrgott sein Sega.