Mit Schwâbe send ja bekanntlich a bsonders Völkle mit etliche liebenswerte Eigaheita. Oine drvo hât dr Schorsch kürzlich erleba ond beobachte dürfa. Ganz bsonders liabe Nâchbar’ henn des Fest dr Goldena Hochzeit feira dürfe ond drzua au ihr Familie zom Feira eiglade. Natürlich henn se sich ganz fei âzoga ond dia Ehefrau hât sich extra a fei’s Frisürle ondoliera lassa. Prächtig hât sich des goldene Hochzeitspaar präsentiert. Doch bevor mr am Nâchmittag zamma en d’Kirch ganga isch ond bevor dia erste Gäst’ eintroffa sind, hend sich dia zwoi Hochzeiter es net nemma lasse gemeinsam dr Trottwar rond oms Haus zom fega. So muas es bei ons en Württemberg sei, denn erst wenn alles saubr g’richt isch, nâ kâ mr au ausglasse festa.

 guate Woch’ ond em Herrgott sein Sega.