Also, uffpasst: Morga hoißt’s zeitig uffstanda, weil wer will scho dr ganze Sonntag als Palmesel romrenna. Grad om dr Palmesel rankat sich etliche nette Anekdota, an dene Euch dr Schorsch teilhaba lassa will. So hât en Rottweil bei oim von denen Palmsonntagsprozessiona doch tatsächlich der hölzerne Esel sein Schwanz vrlora. Dia Ratsherra henn glacht ond der Schultes schnell reagiert: Der hât den Schwanz uffghoba, abgeschleckt ond oifach dâ wiedr neigesteckt, wo’r nâ ghört. Die Veringenstädter bei Sigmaringen hoißt mr d’Palmesel, weil wia denne der Esel vom Waga naghagelt isch, hât dr Lehrer gschria: „I merk, du hâsch dr Teufel em Leib!“ – ond hât’n wiedr uffgestellt. Dia Laimnauer vom Bodasee, henn em Zorn ihrn Palmesel net wia die Rottweiler und dia Brastelburger prügelt, dia henn’en glei zu Scheitholz gspalta und vrbrennt.

 guate Karwoch’ ond em Herrgott sein Sega.