Dia Entbehronga und Entsagonga henn seit gestern 15 Uhr, dr Todesstond von Jesus, endlich a End’. Biblischr Hendrgrond für dia Fastenzeit von Aschermittwoch bis Karfreitag ond di Festsetzong uff 40 Tag’ ond Nächt’ isch des ebafalls vierzigtägige Fasta von Jesus en dr Wüste. Di Zahl 40 erinnert abr au an di 40 Tag’ von dr Sintflut, an di 40 Jâhr’, di des Volk Israel durch d’Wüste zoga isch,, an di 40 Tag’, wo dr Moses uff’m Berg Sinai en dr Gegenwart Gottes ausghart hât, ond an di Frist von 40 Tag’, di dr Prophet Jona der Stadt Ninive vrkündet hât, dia durch „ein Fasten und Büßen Gott bewegte, den Untergang von ihr abzuwenden“. 40 Tag’ Fastazeit henn Spura hendrlassa. Uff was hât mr älles vrzichtet, hât sich kasteit ond hât frohlockend darbt. Ond jetzt därf mir sich an allerlei Genüss’ freua ond hemmungslos schlemma.

Eigentlich schad’, dass dr Schorsch beim Fasta gar net mitgmacht hât. Maultasche henn trotzdem gschmeckt.

 guate Woch’ ond em Herrgott sein Sega.