Ons Schwâba wird jâ – ond des net zu orecht – nâchgsagt, mit wäret doch â weng grüblerisch. Des muss dr Schorsch komplett bestätiga. Grad jetzt wo dr Planet so arg vom Himmel sticht ond es staubrocka isch, fliegat dia Polla ommanander ond dehn empfendliche Leut‘ scho zemlich zusetza. Ond was passiert? Di Nâs‘ läuft, ond weil‘s so hoiß isch , riachad Fiaß. Hä? Worom die Nase läuft ond die Füße riechen, wobei‘s doch eigentlich omkehrt sei müsst, lässt sich ebaso wenig erkläre, wie di Frâg ob es eingefleischte Vegetarier gibt ond ob der Wintereinbruch eigentlich strâfbar isch. S‘kâ oin au ganz wuschig mache, wenn mr drübr nâchdenkt, ob me den Meeresspiegel kaputt macht, wenn man in See sticht oder wenn mr ergründa will wo bei einem Baum hinten isch. Bei solche weltbewegende Frâga isch‘s no scho fast egal ob eine Brandstiftung ein Unterstützungsfond für die Feuerwehr isch ond ob‘s im Teekontor eine Kaffeepause gibt.

 guate Woch‘ ond em Herrgott sein Sega.