Dia Vorfreud‘ isch scho riesig gwä. Seit drei Wocha beobachtet dr Schorsch den mächtiga Kirschabom uff dr Streuobstwies, ond emmer wieder isch a handvoll probiert worda, ob se denn scho siaß gnug send. Dia viele Sonnatag‘ en letzschtr Zeit henn dia Kirscha ganz donklrot gfärbt ond au dr Gschmack isch jetzt uff seim Höhepunkt. Sia senn also uff‘m Höhepunkt der Reife und bereit für an Kirschamichel ond au für an Kirschakucha (idealerweis‘ mit ma Griasguss). Scho beim Zopfa hât mr so a komisch Gfühl ghet. Wia se ganz vorsichtig aus dem Spakorb genomma worde send, henn sich bei de meiste so kloine Löchla zeigt. Klugrweis hât am Schorsch sei Frau dia rote Dengr aus gutr Vorâhnong en an Zuckerwassr glegt. Ond was isch passiert? Ohzählige kloine Made henn ihr schmackhafts Kirschahaus vrlassa – ond älle di Vorfreud‘ uff Kirschamichel vrmiest. Kulinarische Nâchhaltigkeit uff dr Streuobstwies‘ hat eba seine Grenza.

 guate Woch‘ ond em Herrgott sein Sega.