Nr. 244 Dr Schorsch vrzählt vom 25. Juli 2020

Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.

Ach, Herrje, heut wäret se au scho wiedr rom – die Erligheimer Weintage 2020. Allerdengs send se Diesjâhr scho rom gwä, bevor se überhaupt âfange henn. A paar ganz Oerschrockene send mit ma Gläsle Wei am Dienstagâbend uff Bänkle vor am Bürgerhaus Vordere Kelter ghockt, ond henn uff dia abgsagte Weintag’ âgstossa. Menschens’kend, wia viel Bekannte aus em Flecka, dia mr’s ganz Jâhr net sieht, hät’ mer wiedr treffa können. Wia schee wär’s gwä an dene warme Sommerâbend von Dienstag mit Freitag dia prächtige Wei’ von der Erligheimer Wengerter zom probiera, ond wia schwer wäret die Morga gwä beim Uffstande, wenn mr am Âbend vorher z’lang ghockt wär. Hoffa mr uff 2021.

 guate Woch’ ond em Herrgott sein Sega.