Nr. 267 Dr Schorsch vrzählt vom 6. März 2021

Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.

Dr Schorsch isch scho a bissle neidisch, ond bewondert seine Kollega. Mensch, was send des für harte Hond, wia dia sich beim Fasta so richtig kasteia könnat. Vrzicht uff’s Händy, koi Essa kaufa, was mit Pastik vrpackt isch, koi Floisch, sondern vegan ond dann no überhaupt koine Süßigkeita. Respekt ond Âerkennong. Jetzt henn se also dr Schorsch doch a weng âgfixt. Also wird er au ebbes fasta, sich drbei kasteia.

Dr Schorsch isch jâ bekanntlich an bekennender Leut-Omarmer, a Händ-Schüttler, a Fröhliche-Gesellschaft-Braucher. Er wird sich deshalb von jeglichem persönlicha Kontakt mit andre Leut’ fernhalta ond somit Gesellschaft-Fasta. Guat, des fällt ihm zwar schwer, abr er hât ja en dene Zeita eh’ koi andre Wahl. Jetzt hofft’r, dass’r seine Entsagonga am Karfreitag beenda kâ ond därf.

A guate Woch’ ond em Herrgott sein Sega.