Nein, wir gehen nicht in den Urlaub, sondern wir packen die Koffer, damit wir – nach der Sommerpause im August – spätestens Anfang September “Das Bricklebrit” in neuen Räumen des Kleintierzuchtvereins Walheim im Dammweg eröffnen können.

Wia hât scho der Komikr Hans-Peter Kerkeling gsonga? „Das ganze Leben ist ein Spiel und wir sind nur die Kandidaten.“ Genauso kommt’s oim vor, wenn mr seit dera Woch’ nach England glotz. Oin von de gröschte Spielr hend se jetzt dort zum Premierminischtr gmacht, ond net bloss dia Engländr send jetzt dia Kandidate, mit dene er spielt. Di Ohfähigkeit isch entzwischa en dr ganze Welt zor wichtigsta Oigaschaft für a politisch’s Amt worda. Ond was ufffällig isch, mr muss au no a bsonders bleede Frisur han, na kâsch Staataführer werda. Noi, dr Schorsch schwätzt jetzt wirklich net von onsrer Bundesangela, weil dera ganz wiaschte Zeita (mit Kochhafefrisur) send ja vorbei. Dr Schorsch moint die Kantschädlfrisur vom Nordkoreanischa Despota, er schwätzt vom ohfassbar oifältige Präsident mit dr blonda Haarspray-Föhn-Frisur ond aktuell vom permanent vrstrubelta Mietr von dr Dowing Street Nommr ois. A guate Woch’ ond em Herrgott sein Sega.

Am Wochenende finden die beiden letzten Veranstaltungen des Cafe-Bricklebrit in der Walheimer Alten Kelter statt:

• Am Freitag ab 20 Uhr wird DJ Dieter Bröckel beim Bricklebrit-Vinylabend sagen: “Ihr seid das Schallarchiv!”, und Eure mitgebrachten Lieblingsschallplatten auflegen.
• Am Samstag, 20 Uhr, kommen die Löchgauer Fleckabutzer mit ihrem Erfolgsstück “Die Tratschweiber” in unsere Wagenhalle. Kartenmäßig wird’s jetzt eng, wer dabei sein will sollte sich die letzten handvoll Plätze schnell sichern. Am besten per E-Mail reservieren: info@das-bricklebrit.de

bes_fleckabutzer_mk.jpg

biet-bza-theater_mk.jpg

biet_bza-theater3_mk.jpg

biet-bza-theater2_mk.jpg

Die Fleckabutzer machen damit die “Rauschschmeißer”, denn nach ihrem Gastspiel drehen wir nach zweieinhalb Jahren  den sprichwörtlichen Schlüssel in der Alten Kelter rum.

Wir machen im August Sommerpause – und wir ziehen innerhalb von Walheim um. Die sommerliche Erholung fällt für uns also flach, weil wir wollen im September das neue Cafe-Bricklebrit in Walheim eröffnen. Wir freuen uns auf Euch, und glauben, dass Ihr Euch auch in der neuen Umgebung mehr als wohlfühlen und unsere Veranstaltungen genießen werdet.

Des war scho a rechte Steißgeburt. Doch jetzt dürfet mir ons ohsennig freue, weil seit gestern isch’s a bschlossene Sach’, en der Landeshauptstradt gibt’s bald a „Äffle- ond Pferdle“-Ampl. Allerdengs isch di schwäbisch Variante’ von den dene hübsche Ampla en Sondrausgabe doch a bissle armseelig, weil so ganz hât mr sich doch net druf einlassekönna. So wird’s di „Äffle- ond Pferdle“-Amp bloss als Âhängsel – so zu saga als Zwoitampl – neba ra „richtiga“ Fußgängrampl geba. Mir em Ländle send halt scho ohvrschämt korrekt ond gsetzbuch treu. Em rheinland-pfälzischa Mainz send se dâ lässigr. Seit 23. November 2016 gibt’s nämlich dort a Mainzelmännchen-Ampl, ohne nomâl a richtiges Leuchtwerk drneba. En Emden henn se sich au schwer doa mit „Otifanta“-Ampla mit dem Komiker Otto Walkes gmâlte Figürle. Dr Otifant hât sich net durhsetza kenna, abr emmrhin gibt’s bald vier Ampla mit ma stilisierte Otto Walkes.

A guate Woch’ ond em Herrgott sein Sega.

Ach, wia herrlich isch’s en Jugenderinneronga zom schwelga. Was für an entscheiden’r Tag isch dr 14. Juli 1969 für – jâ mr kâ sâge fascht für’s ganze weitere Leba – gwä? An dem Tag isch nämlich „Easy Rider“ en d’Kino komma. Anarchie hât sich plötzlich breit gmacht, obwohl mr als Halbwüchsigr tatsächlich net amol gwisst hât, was des isch. Ond plötzlich hat mr sich so ohglaublich rebellisch gfühlt, oifach „Borne to Be Wild“, au in dr beschaulicha schwäbischa Provinz.

Mr hât’s Taschegeld gspart, drmit s’Fahrrädle an Banana-Sattel kriagt (mit „Überrollbügl“, was des Uffsteiga recht kompliziert gmacht hât), ond au an Hochlenkr, was dia Vrkehrssicherheit kaum vrbessert hât. Mr war plötzlich dr Wyatt mit em Zwoirad „Captain America“ vom Stammheimer Ehniweg. An dr Fahrradgabl-Verlängerong isch mr allerdings damâls jämmerlich gscheitert. Ond au dr „Mardi-Gras-Karneval“ war en dr Provinz ehr fad.

A guate Woch’ ond em Herrgott sein Sega.

Zemlich vrückt gâht’s en onserer Welt zua. S’isch grad egal wonah mr nâ glotzt, en onser direkts kommunalpolitisch’s Omfeld, verstärkt em Europaparlament ond dromrom, ond ganz extrem, wenn mr übr dr große Teich guckt. Mr könnt’ zu Vielem jetzt Manches sage.

Dr Schorsch empfiehlt jetzt abr, lasset mr ons doch die prächtig’ Sommerzeit net vrgraula. Grad an dem Wochenend’ gibt’s so viele schöne Festle bei ons, mit ohsennig viel Musik, mit viele Ehraamtliche, dia am Grill, hendr dr Thek’ odr uff de Bühna standet ond ons vrwöhna wellat, ond mit beste Gelegeheita zom ma Schwätz’ mit Freind ond Bekannte, dia mr scho lang nemma troffa hât. Genießa mr jetzt oifach dr sprichtwörtliche Augablick, die Sorga ond Nöt’ sollet ons oifach gern hann.

A guate Woch’ ond em Herrgott sein Sega.

Liabe Freind, leider müssen wir jetzt am Samstag bereits mit Andrea Limmer die zweite Veranstaltung für die “Bühne onderm Balka” absagen, Deshalb hier ein ganz persönliches Wort an Euch…

Dr Schorsch isch schwer vrwirtt. S’werdet Milliona von Euros ausgeba, drmit dia CO2-Emissiona von de Autos kloiner werdet. Des hört sich natürlich klimatechnisch prima â. Bloss welche Auswirkonga des hann soll, des erschließt sich so ma oifacha Gmüat wia am Schorsch net. Onser Luft zom Schnaufa setzt sich aus 21 Prozent Saurstoff ond etwa 78 Prozent Stickstoff zamma. 0,97 Prozent send Edelgas’ ond letztendlich 0,03 Prozent Kohladioxid (CO2). Wia mr nâchlesa kâ send dia CO2-Emissiona 2017 en Deutschland om 344 Milliona Tonna gsonka. Dia Auswirkonga beim ma Luftâteil von 0,03 Prozent send scho echt bemerkbar. Odr etwa net?

A guate Woch’ ond em Herrgot sein Sega.

Wir sind ein wenig traurig, aber das für heute Samstag, 29. Juni, 20 Uhr, geplante Gastspiel der “Festtagsmusik” müssen wir leider verschieben. Vielleicht ist die Konkurrenz mit Enz-Terrassen-Fest in Besigheim und Kirchheimer Straßenfest an diesem Wochenende einfach zu groß. Aber versprochen, die wunderbaren Musiker vom Blautopf kommen auf jeden Fall zu einem späteren Termin zu uns.

Arg vrwirrt isch dr Schorsch. Jetzt hât doch tatsächlich dr Europäische Grichtshof vrfügt, dass mir en Deutschland koi Autobâh-Maut vrlanga dürfet. Onsr Plänle, von dene, wo uff onsere Autobâhne a Nutzongsgebühr zom verlange, isch scheint’s diskriminierend. So sehet’s onsere österreichische Nâchbr net, dene mir seit viele, viele Jâhr emmer wiedr gern ihre Vignettla abkaufet. Des hoißt also, Österreicher, Italiener, Spanier odr Franzosa dürfet ons Deutsche weiter diskriminiera. Oh seeliges EU-Recht, wer kâ di vrschtanda?

A gute Woch’ ond em Herrgott sein Sega.